Швајцарската компанија за луксузни пенкала „Montblanc“, ќе продава мастилни пенкала изработени од `чудото од дрво` што го преживеа цунамито во Јапонија, пред четири години.

Screen Shot 2015-02-26 at 7.43.19 PM

Пенкалата ќе се продаваат по цена од 4.400 долари, а 20 отсто од продажбата ќе оди за помош на жртвите.

Веста доаѓа неколку дена пред четвртата годишнина од цунамито кога загинаа повеќе од 19.000 луѓе, а илјадници останаа без своите домови.

Цунамито и земјотресот предизвикаа и најстрашна атомска несреќа во последните децении, што придонесе илјадници луѓе да се иселат од своите домови, а многу од нив се уште се раселени, во сиромашни бараки.

Производителот на пенкала и часовници, дел од „Richemont luxury group“, го употреби дрвото од единственото дрво кое остана да стои исправено од шумата од 70.000 дрва потопена во Рикузентаката, на погодениот јапонски североисточен брег.

Таканареченото „чудо од дрво“ подоцна умираше па за негова ревитализација беа потрошени 1,5 милиони долари, затоа што стана препознатливо, а луѓето кои го посетуваа местото мораа да го видат.

Кога градот го исече дрвото, градоначалникот Футоши Тоба, ја замоли швајцарската компанија да го употреби дрвото за изработка на пенкала за „катастрофата да остане запаметена од луѓето“.

Montblanc направи 113 пенкала, симболично со датумот на несреќата 11-ти март, што ќе почнат да се продаваат за четвртата годишнина по цена од 520.000 јени или 4.400 долари едно, а 20 отсто од парите ќе бидат дадени на градот.

„Дрвото беше единственото нешто што ни даваше надеж“, рече Тоба на прес конференција.

Сепак, не беше откриено колку чини изработката на пенкалата, ако се знае дека материјалот не е погоден за изработка на пенкала и колку компанијата ќе заработи од нивната продажба.