Поранешниот британски премиер Џон Мејџор ја повика премиерката Тереза Меј да се откаже од своите црвени линии во врска со брегизт. Тој ја повика британската премиерка да му дозволи на парламентот да најде начин да избегне штета од излезот на Велика Британија од ЕУ во март без договор.
„Ако ја напуштиме ЕУ во хаос и без договор, ми се чини дека тоа е најлош од сите резултати“рекол Мејзор за Би-би-си.
Според него, Меј би требало да се занимава со пратениците во нејзината конзервативна партија, кои велат дека се подготвени да прифатат брегзит без договор.
Во вторникот британските пратеници со големо мнозинство го отфрлија предлогот на Меј за брегзит, кој таа го договори во Брисел, но во четвртокот сепак ѝ изгласаа доверба на Владата.